Ի նպաստ հայրենանվեր գործի
![Ի նպաստ հայրենանվեր գործի Ի նպաստ հայրենանվեր գործի](https://cadastre.am/index.php/storage/files/news-9280569985-49104178-587366418381907-10264207333261312-n-700x_.jpg?token=ec5dbc895cfacc4fd4d19f54333841ec)
Այսօր՝ նոյեմբերի 28-ին մեկնարկում է «Հայաստան» համահայկական հիմնադրամի ազգային նվիրատվության 22-րդ հեռուստամարաթոնը՝ «Ես իմ անուշ Հայաստանի․ կենարար ջուր և արև համայնքներին» խորագրի ներքո։ 12-ժամյա համահայկական միջոցառման առաջին 4 ժամն այս տարի կանցկացվի Երևանում, իսկ հաջորդ 8 ժամը կհեռարձակվի Լոս Անջելեսից։
«Հեռուստամարաթոն-2019»-ի ընթացքում հավաքված միջոցները կնպատակաուղղվեն խմելու ջրի մատակարարման և արևային էներգիայի կիրառման ծրագրերի իրականացմանը Արցախում, ինչպես նաև Հայաստանի երեք մարզերում՝ Տավուշ, Լոռի և Շիրակ։ Ընդհանուր առմամբ հարյուրից ավել համայնքներ կդառնան ծրագրերի շահառուներ և կապահովվեն շուրջօրյա ջրամատակարարմամբ, անվճար ջեռուցմամբ ու էլեկտրաէներգիայով։
Կադաստրի կոմիտեն ամեն տարի մասնակցում է այս նախաձեռնությանը․ այս տարի կոմիտեի արհեստակցական միությունը փոխանցեց 1 500 000 դրամ՝ ի նպաստ հայրենանվեր գործի։