Միջազգային աշխատաժողով Բելառուսի Հանրապետությունում
![Միջազգային աշխատաժողով Բելառուսի Հանրապետությունում Միջազգային աշխատաժողով Բելառուսի Հանրապետությունում](https://cadastre.am/index.php/storage/files/news-7529001085-21219-700x_.jpg?token=621b84845d7a349e667bf0260f3fd37f)
Սույն թվականի նոյեմբերի 26-28 Բելառուսում անցկացվեց «Ինտեգրված երկրատարածական տեղեկատվական համակարգի շրջանակի գործարկում» միջազգային երրորդ աշխատաժողովը, որին մասնակցեց Կադաստրի կոմիտեի «Տեղեկատվական տեխնոլոգիաների կենտրոն»-ի տվյալների մշակման բաժնի առաջատար մասնագետ Մարիամ Պետրոսյանը։ Նա երկայացրեց ՀՀ-ում ազգային տարածական տվյալների ենթակառուցվածք ստեղծելու նպատակը և հեռանկարները։
Եռօրյա աշխատաժողովն ուղղված էր ՄԱԿ-ի ինտեգրված երկրատարածական տեղեկատվական համակարգի շրջանակի (Integrated Geospatial Information Framework) և երկրատարածական տեղեկատվության միասնական դերի վերաբերյալ իրազեկվածության մակարդակի բարձրացմանը:
Հրավիրվածները ներկայացրեցին ազգային տարածական տվյալների ենթակառուցվածքի մեխանիզմները, նպատակը, կարգավիճակը, խնդիրները, ձեռքբերումները և հեռանկարները։
Միջազգային աշխատաժողովի նպատակն էր նպաստել ազգային երկրատարածական տեղեկատվության համալիր կառավարման ամրապնդմանը, ազգային զարգացման առաջնահերթություններին և 2030թ․-ի կայուն զարգացման նպատակների իրագործելիության համար երկրատարածական տեղեկատվության մշակմանը, տարածմանը և կիրառմանը։ Այն կարևոր հարթակ է համապատասխան փորձագետների միջև փորձի և տեղեկատության փոխանակման համար։