Երկրորդ ընթերցմամբ քննարկվել է «Ռիելթորական գործունեության մասին» օրենքը
ՀՀ ԱԺ տնտեսական հարցերի մշտական հանձնաժողովի այսօրվա նիստում քննարկվել է «Ռիելթորական գործունեության մասին» օրենքն ու հարակից օրենքներում լրացումներ նախատեսող օրենսդրական փաթեթը:
ՀՀ Կադաստրի կոմիտեի ղեկավար Սուրեն Թովմասյանը նշել է, որ օրենսդրական նախաձեռնությունն ուղղված է ռիելթորական գործունեության ոլորտում ծառայությունների որակի բարձրացմանը, անշարժ գույքի ոլորտում տեղեկատվության ու ծառայությունների թափանցիկության ապահովմանը, ինչպես նաեւ անշարժ գույքի վերաբերյալ միասնական տեղեկատվական բազայի ձեւավորմանն ու զարգացմանը:
Օրենսդրական փաթեթի վերաբերյալ Կառավարությունը ներկայացրել է մի շարք առաջարկություններ. այն լրամշակվել է:
Մասնավորապես փոխվել է նախագծի ուժի մեջ մտնելու ժամկետը. առաջարկվել է 2027 թվականի հունվարի 1-ի փոխարեն այն ուժի մեջ մտցնել 2027 թվականի հունիսի 1-ից:
Մեկ այլ առաջարկով էլ նախատեսվել է ռիելթորների որակավորման վկայականները տրամադրել էլեկտրոնային ձեւաչափով. թղթային տարբերակը դուրս է բերվել:
Առաջարկվել է նաեւ ռիելթորական եւ անշարժ գույքի կառավարման ծառայությունների շրջանակներում կատարվող վճարումներն ու փոխանցումներն իրականացնել Էսքրոու հատուկ բանկային հաշիվ միջոցով:
Առաջինից երկրորդ ընթերցման ընթացքում առաջարկվող կարգավորումներում կատարվել են որոշ փոփոխություններ, որոնք Կադաստրի կոմիտեի ղեկավար Սուրեն Թովմասյանը մանրամասն ներկայացրել է և պատասխանել պատգամավորների հարցերին:
Կադաստրի կոմիտեի ղեկավարի զեկույցը․
