Այսօր Ազգային Ժողովում քննարկվեց և երկրորդ ընթերցմամբ ընդունվեց «Ռիելթորական գործունեության մասին» օրենքն ու հարակից օրենքներում լրացումներ նախատեսող օրենսդրական փաթեթը:

Կադաստրի կոմիտեի ղեկավար Սուրեն Թովմասյանն իր ելույթում նշեց, որ նախատեսվում է ներդնել անշարժ գույքի կառավարման ինստիտուտ:

Առաջինից երկրորդ ընթերցում ներկայացված առաջարկների հիման վրա նախաձեռնությունը փոփոխությունների է ենթարկվել:

Մասնավորապես, պատգամավոր Բաբկեն Թունյանն առաջարկել է օրենքով նախատեսված միասնական տեղեկատվական համակարգի միջոցով անշարժ գույքի վերաբերյալ տվյալների մուտքագրման համար՝ ֆիզիկական անձանց համար յուրաքանչյուր անշարժ գույքի միավորի բազային տուրքը 5000 դրամի փոխարեն սահմանել 1000դրամ: Առաջարկն ընդունվել է:

Գլխադասային՝ Տնտեսական հարցերի մշտական հանձնաժողովի դրական եզրակացությունը ներկայացրել է հանձնաժողովի նախագահի տեղակալ Բաբկեն Թունյանը:

Սուրեն Թովմասյանի ելույթը.

https://youtu.be/B3uuTDhalpk?t=8627։