Հայաստանի Հանրապետության տարածքում քարտեզագրության, գեոդեզիայի, չափագրման (հաշվառման) և հողաշինարարության գործունեության բնագավառում հերթական որակավորումն անցկացվելու է 2024 թվականի օգոստոսի 12-ին ժամը` 11:00-ին:

Հայտնում ենք նաև, որ ելնելով հայտատուների քանակից որակավորման ստուգումը կարող է անցկացվել մեկից ավելի օրերով, որի մասին նախապես պատշաճ կարգով կտեղեկացվի:

Մասնագիտական որակավորում ստանալու համար կարող են դիմել Հայաստանի Հանրապետության այն քաղաքացիները, ովքեր ունեն բարձրագույն կրթություն կամ քարտեզագրության, գեոդեզիայի, չափագրման (հաշվառման) և հողաշինարարության գործունեության բնագավառներից որևէ մեկում առնվազն երեք տարվա մասնագիտական աշխատանքային ստաժ:

Դիմումը և դիմումին կից ներկայացման ենթակա փաստաթղթերը կարող են ներբեռնվել կոմիտեի պաշտոնական կայքից` էլեկտրոնային համակարգի միջոցով: Դիմումի ձևը տեղադրված է ստորև:

Դիմումին կից ներկայացվում են հետևյալ փաստաթղթերը՝

• բարձրագույն կրթության վկայականի (դիպլոմի) կամ աշխատանքային գրքույկի կամ
  քաղաքացիաիրավական պայմանագրի պատճենները,

• անձնագրի պատճենը,

• մեկ լուսանկար՝ 3 x 4 սմ չափսի,

• պետական տուրքի վճարման անդորրագրի պատճենը կամ պետական վճարումների
  էլեկտրոնային համակարգի կողմից գեներացված անդորրագիրը կամ գեներացված
  անդորրագրի 20-նիշանոց ծածկագիրը (3.000 ՀՀ դրամ, Հ/Հ 900005163283):

Փաստաթղթերն ընդունվում են Կադաստրի կոմիտեի (այսուհետ՝ Կոմիտե) քարտուղարությունում՝ առձեռն, փոստով (ք. Երևան, Արշակունյաց 7) կամ էլեկտրոնային հարցումների միասնական հարթակով (https://e-request.am/hy) 2024 թվականի հուլիսի 8-ից մինչև սույն թվականի հուլիսի 26-ը ներառյալ:

Փաստաթղթերի ընդունման վերջնաժամկետն է 2024 թվականի հուլիսի 26-ը, ժամը՝ 17:00:

Որակավորումն անցկացվելու է ք. Երևան, Կոմիտաս 35/2 հասցեում գտնվող Կոմիտեի վարչական շենքի 12-րդ հարկում:

Որակավորման հարցաշարերը տեղադրված են Կոմիտեի պաշտոնական կայքէջում:

Դիմումների մուտքագրման հարցերով զանգահարել՝ 060-474222 հեռախոսահամարին:

Դիմում