Համագործակցություն. Կադաստրի կոմիտեում է Արցախի հանրապետության մասնագիտական պատվիրակությունը
![Համագործակցություն. Կադաստրի կոմիտեում է Արցախի հանրապետության մասնագիտական պատվիրակությունը Համագործակցություն. Կադաստրի կոմիտեում է Արցախի հանրապետության մասնագիտական պատվիրակությունը](https://cadastre.am/storage/files/artsakh-700x_.jpg?token=44d26cf2f75712611106a2af74e60960)
Կադաստրի կոմիտեի ղեկավար Սուրեն Թովմասյանն այսօր հյուրընկալեց երկօրյա այցով Հայաստանում գտնվող գործընկերներին՝ Արցախի Հանրապետության Կադաստրի և պետական գույքի կառավարման կոմիտեի պատվիրակությանը՝ կոմիտեի նախագահ Կարեն Շահրամանյանի գլխավորությամբ։ Պատվիրակության կազմում են կոմիտեի նախագահի տեղակալ Սուրեն Գալստյանը, խորհրդական Վիլեն Սաֆարյանը և աշխատակազմի ղեկավար Ալեքսանդր Շահրամանյանը։
Հանդիպման ընթացքում Կադաստրի կոմիտեի ղեկավար Սուրեն Թովմասյանը հյուրերին ներկայացրեց Կոմիտեի կողմից ավելի վաղ սկսված և առաջիկայում իրագործելիք ծրագրերը, փոխգործակցության և աջակցության հնարավորությունները, ձեռքբերվեցին նախնական պայմանավորվածություններ։
Կոմիտեի ղեկավարն իր խոսքում կարևորեց ինչպես նոր, այնպես էլ ընթացքի մեջ գտնվող ծրագրերի համատեղ քննարկումները, հետագա հնարավոր համագործակցության և մասնագիտական աջակցության հեռանկարները:
Օրվա ընթացքում Արցախի հանրապետության մեր գործընկերների հետ կոմիտեի ղեկավարը և պատասխանատուները կայցելեն Կոմիտեի «Կենտրոն» գրասենյակի նոր մասնաշենք, կլինեն Միասնական մարզային ստորաբաժանումում, նորաստեղծ Գեոմատիկայի կենտրոնում։