Հունիսի 8-ին կայացավ Ասիայի և Խաղաղօվկիանոսյան տարածաշրջանի «Տեղանքի  ներուժը. գեոդեզիայի դերը հասարակության մեջ» խորագրով Գեոդեզիայի համաշխարհային համաժողովը (the Asia Pacific Global Geodesy Forum), որին առցանց ձևաչափով մասնակցում էին Կադաստրի կոմիտեի Գեոմատիկայի կենտրոնի պետ Վահագն Մուրադյանը և գեոդեզիայի և հողաշինարարության վարչության պետ Գևորգ Մանուկյանը:  

Վահագն Մուրադյանը իր խոսքում նշեց, որ Հայաստանում գեոդեզիական և   քարտեզագրական աշխատանքները կատարվում են ժամանակակից քարտեզագեոդեզիական  թվային սարքավորումների և տվյալների մշակման   համակարգերի  միջոցով,  ինչպես  նաև  անդրադարձավ  պետական  գեոդեզիական պլանաբարձունքային ցանցի ստեղծման և զարգացման աշխատանքներին, ընդգծեց համապատասխան երկրատեղեկատվական համակարգերի կիրառմամբ միացյալ քարտեզագրական էլեկտրոնային թվային հիմքի ստեղծման կարևորությունը:

Համաժողովի ավարտին մասնակիցները պատրաստակամություն հայտնեցին շարունակաբար մասնակցել Կոմիտեի շրջանակներում կազմակերպվող ՄԱԿ-ի Երկրատարածական տվյալների գլոբալ կառավարման փորձագետների հանդիպումներին։