Սեղանի թենիսի մրցաշարում ոսկե մեդալի արժանացավ կոմիտեի աշխատակից Մանուկ Խարատյանը
![Սեղանի թենիսի մրցաշարում ոսկե մեդալի արժանացավ կոմիտեի աշխատակից Մանուկ Խարատյանը Սեղանի թենիսի մրցաշարում ոսկե մեդալի արժանացավ կոմիտեի աշխատակից Մանուկ Խարատյանը](https://cadastre.am/storage/files/431424550-1114578453311894-5718291504879793451-n-700x_.jpg?token=ac03db16e8d09edbe0ddb61e69fdf701)
Մարտի 7-ից 10-ը Հայաստանի Արհմիությունների կոնֆեդերացիան Դանիայի Արհմիությունների կոնֆեդերացիայի ֆինանսական աջակցությամբ և համագործակցությամբ Ծաղկաձորում կազմակերպել էր «Արհմիութենական սպորտ 2024» խորագրով Արհմիութենական սպորտային միջոցառումը:
Սեղանի թենիսի մրցաշարին Կադաստրի կոմիտեի աշխատողների Արհեստակցական կազմակերպության կողմից մասնակցեց Արհմիության անդամ, Կադաստրի կոմիտեի Տեղեկատվական տեխնոլոգիաների կենտրոնի ցանցերի կառավարման բաժնի գլխավոր մասնագետ Մանուկ Խարատյանը:
Երկօրյա մրցաշարի ընթացքում, ակնհայտ առավելությամբ հաղթանակներ գրանցելով բոլոր մասնակիցների նկատմամբ, մեր գործընկերը զբաղեցրեց պատվավոր առաջին հորիզոնականը:
Մրցաշարի ավարտին Մանուկ Խարատյանը արժանացավ Հայաստանի Արհմիությունների կոնֆեդերացիայի հավաստագրին և «Արհմիութենական սպորտ 2024»-ի սեղանի թենիսի ոսկե մեդալին: