Աշխատանքային խորհրդակցություն
Դեկտեմբերի 1-ին Կադաստրի կոմիտեի ղեկավար Սուրեն Թովմասյանի մոտ կայացավ հերթական աշխատանքային խորհրդակցությունը։
Պատասխանատու ստորաբաժանումների ղեկավարներին հանձնարարվեց ներկայացնել մանրամասներ կադաստրային քարտեզներում առկա սխալների ուղղման գործընթացի արդյունավետության բարձրացման և լավարկման համար մշակված օրենսդրական բարեփոխումների արդյունքում կոնկրետ դեպքերի լուծման վերաբերյալ։
Առաջիկա ամսվա ընթացքում կմշակվի մեթոդաբանություն տեղեկատվության տրամադրման գործընթացի համար, ըստ որի՝ տեղեկատվությունը պետք է տրամադրվի տվյալների ճշգրտման արդյունքում:
Նշված մեթոդաբանությունը սահմանված ժամկետում կհամաձայնեցվի կոմիտեի ղեկավարի տեղակալների հետ և կներկայացվի կոմիտեի վարչությունների պետերին, որոնք էլ կվերամշակեն այն և կներկայացնեն իրենց ստորաբաժանումների առաջարկությունները:
Գրանցման վարչությունը կներկայացնի հաշվետվություն ստեղծված աշխատանքային խմբի կողմից անշարժ գույքի սահմանափակումները «ARPIS» համակարգ մուտքագրելու ուղղությամբ տարվող աշխատանքների կատարման վերաբերյալ:
Հանձնարարվեց շաբաթական կտրվածքով ներկայացնել հաշվետվություն գեոդեզիայի և հողաշինարարության վարչության կողմից ստացված խոշորացված համայնքների խնդիրների վերլուծության արդյունքում գրանցման գործընթացում հայտնաբերված թերությունների շտկման ուղղությամբ տարվող աշխատանքների վերաբերյալ՝ ներկայացնելով նաև թվային ցուցանիշներ:
