Այսօր Ազգային ժողովը առաջին ընթերցմամբ քննարկել է ««Գնահատման գործունեության մասին» օրենքում փոփոխություններ եւ լրացումներ կատարելու մասին» օրենքի նախագիծը, որը քննարկման է ներկայացրել ՀՀ կադաստրի կոմիտեի ղեկավարի տեղակալ Նանե Ղազարյանը:

Նախատեսվում է օրենքում կատարել մի շարք փոփոխություններ եւ լրացումներ՝ Հայաստանի Հանրապետության կողմից վավերացված միջազգային պայմանագրերի շրջանակներում:

Առաջարկվող կարգավորումները հնարավորություն կտան Հայաստանի Հանրապետությանը ներգրավվել միջազգային գնահատման շուկայում եւ ստեղծել այնպիսի համակարգ, որն ապահովում է բարձր որակի, վստահելի եւ ներդրումներին նպաստող ծառայությունների մատուցում:

Սահմանվող կարգավորումների արդյունքում ՀՀ որակավորված գնահատողները հնարավորություն կունենան նույն փոխադարձության սկզբունքով իրականացնել համապատասխան գործունեություն այն պետություններում, որտեղ Հայաստանի Հանրապետության կողմից վավերացված միջազգային պայմանագրերը նախատեսում են նման հնարավորություն:

Մանրամասները․
http://parliament.am/news.php?cat_id=2&NewsID=23044&year=2025&month=12&day=03&lang=arm&fbclid=IwY2xjawOeWS5leHRuA2FlbQIxMABicmlkETFySkRIZGt5S0pFWjBHb3h1c3J0YwZhcHBfaWQQMjIyMDM5MTc4ODIwMDg5MgABHosvHr7MtBOBqYHoVm6xf_k3ovmPwB_PTIWL3EweMGTiCC9haX4dwT7LLbLI_aem_YJIw3CzB37UnI8Et8AMqWA