Կադաստրի կոմիտեն հայտարարում է արտաքին մրցույթ՝ քաղաքացիական ծառայության թափուր պաշտոնը զբաղեցնելու համար

 Կադաստրի կոմիտեն հայտարարում է արտաքին մրցույթ՝ կոմիտեի գնումների կազմակերպման բաժնի  ավագ մասնագետի (ծածկագիր` 61-26.4-Մ3-4) քաղաքացիական ծառայության թափուր պաշտոնը զբաղեցնելու համար:

Կոմիտեի գնումների կազմակերպման բաժնի  ավագ մասնագետի (ծածկագիր` 61-26.4-Մ3-4) պաշտոնի բնութագրի, պաշտոնը զբաղեցնող քաղաքացիական ծառայողի համար սահմանված իրավունքների, պարտականությունների, պաշտոնին ներկայացվող պահանջների՝ պաշտոնի համար պահանջվող կրթության, աշխատանքային ստաժի, մասնագիտական գիտելիքների, կոմպետենցիաների, ինչպես նաև աշխատանքի կազմակերպական լիազորությունների և ղեկավարման շրջանակների մասին տեղեկավությունը ներառված է պաշտոնի անձնագրում, որի էլեկտրոնային օրինակը կցվում է:

Աշխատավայրը՝ Հայաստան, ք. Երևան, Արշակունյաց 7:

Մրցույթին մասնակցել ցանկացող քաղաքացիները դիմումները ներկայացնում են առցանց http://cso.gov.am/internal-external-competitions հղումով՝ 2026 թվականի փետրվարի 12-ը՝ ժամը 24:00-ը ներառյալ:

Անհրաժեշտ է կցել հետևյալ փաստաթղթերը՝

1. դիմում (առցանց),

2. ինքնակենսագրություն (ձևը լրացվում է էլեկտրոնային եղանակով)

3.անձնագրի և/կամ նույնականացման քարտի` լուսապատճեն (եթե անձը նույնականացման կամ սոցիալական քարտ չի կցում, ապա անհրաժեշտ է կցել անձին հանրային ծառայության համարանիշ տրամադրելու մասին տեղեկանքի կամ հանրային ծառայության համարանիշի տրամադրումից հրաժարվելու մասին տեղեկանքի լուսապատճենը),

4. բարձրագույն կրթությունը հավաստող փաստաթղթի(երի) լուսապատճեն(ները),

«Գնումների մասին» Հայաստանի Հանրապետության օրենքի 16-րդ հոդվածի 5-րդ կետով սահմանված պահանջի բավարարում

5. աշխատանքային գործունեությունը հավաստող փաստաթղթերի լուսապատճեն,

6.արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասին կցագրման վկայականի լուսապատճեն,

7. մեկ լուսանկար՝ 3X4 չափսի

Անհրաժեշտ է ներկայացնել վերոնշյալ փաստաթղթերի լուսապատճեններն արված բնօրինակից (օտարալեզու փաստաթղթերի դեպքում՝ նաև հայերեն պաշտոնական թարգմանությունների)։

• Մրցույթի թեստավորման փուլը կանցկացվի 2026 թվականի մարտի 9-ին՝ ժամը 11:00-ին, Կադաստրի կոմիտեի վարչական շենքում (հասցե՝ ք. Երևան, Արշակունյաց 7):

• Մրցույթի հարցազրույցի փուլը կանցկացվի 2026 թվականի մարտի 11-ին՝ ժամը 11:00-ին, Կադաստրի կոմիտեի վարչական շենքում (հասցե՝ ք. Երևան, Արշակունյաց 7):

Մրցույթի հարցազրույցի փուլը կանցկացվի «Հարցարան» ձևաչափով:

Հիմնական աշխատավարձը 221.312 (երկու հարյուր քսանմեկ հազար երեք հարյուր տասներկու) դրամ է:

Նշված պաշտոնին հավակնող անձը պետք է լինի բարեկիրթ, պարտաճանաչ, հավասարակշռված, գործնական, ունենա նախաձեռնողականություն և պատասխանատվության զգացում:

 Թեստում ընդգրկվող թեստային առաջադրանքները կազմված են հետևյալ բնագավառներից՝

ՄԱՍՆԱԳԻՏԱԿԱՆ ԳԻՏԵԼԻՔՆԵՐ (ՔԾ ԳՐԱՍԵՆՅԱԿ)

• Սահմանադրություն. (Հոդվածներ՝ 1, 2, 5, 6, 8, 10, 14, 15, 17, 21, 25, 27, 31, 32, 34, 35, 36, 38, 40, 41, 44, 46-49, 54, 57, 66, 85, 89, 90, 96, 99, 100, 103, 104, 109, 112, 113, 118, 119, 123, 124, 136, 142, 144, 146, 147, 149-153, 159, 160, 163, 182, 185, 195, 198, 199)

հղումը՝ https://www.arlis.am/hy/acts/143723

• «Քաղաքացիական ծառայության մասին» օրենք. (Հոդվածներ՝ 2, 6, 7, 10, 11, 17, 20-24, 28, 30-36, 38)

հղումը՝ https://www.arlis.am/hy/acts/204205

• «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենք. (Հոդվածներ՝ 4-7, 20-27)

հղումը՝ https://www.arlis.am/hy/acts/218698

• «Հանրային ծառայության մասին» օրենք.  (Հոդվածներ՝ 3-15, 18-23, 27․1, 28-34, 44, 53)

հղումը՝ https://arlis.am/hy/acts/218696/latest

ՄԱՍՆԱԳԻՏԱԿԱՆ ԳԻՏԵԼԻՔՆԵՐ (Կադաստրի կոմիտե)

• «Գույքի նկատմամբ իրավունքների պետական գրանցման մասին» օրենք. (հոդվածներ` 2-5, 7-17, 23-27, 32-35, 43-50, 74-75)

հղումը՝ https://www.arlis.am/hy/acts/204832/latest

• «Նորմատիվ իրավական ակտերի մասին» օրենք. (հոդվածներ՝ 2-6, 11-13,19, 22-26, 34)

հղումը՝ https://www.arlis.am/hy/acts/187324/latest

• «Կառավարչական իրավահարաբերությունների կարգավորման մասին» օրենք.  (հոդվածներ՝ 2-7, 12-16, 21)

հղումը՝ https://www.arlis.am/hy/acts/171966/latest

• «Գնումների մասին» օրենք (հոդվածներ` 1-6, 10-15, 18-21, 22-28, 40-43)

հղումը՝ https://arlis.am/hy/acts/216336/latest

 ՀԱՐՑԱԶՐՈՒՅՑԻ ՓՈՒԼՈՒՄ ՍՏՈՒԳՎՈՂ ՄԱՍՆԱԳԻՏԱԿԱՆ ԳԻՏԵԼԻՔՆԵՐ ԵՎ ԴՐԱՆՔ ԿԻՐԱՌԵԼՈՒ ԿԱՐՈՂՈՒԹՅՈՒՆՆԵՐ

• «Քաղաքացիական ծառայության մասին» օրենք

հղումը՝ https://www.arlis.am/hy/acts/204205/latest

• «Գնումների մասին» օրենք

հղումը՝ https://arlis.am/hy/acts/216336/latest   

• «Հանրային ծառայության մասին» օրենք

հղումը՝ https://arlis.am/hy/acts/218696/latest

Ծանոթություն՝ Կոմպետենցիաները տե´ս պաշտոնի անձնագրում։

Մրցույթին մասնակցել ցանկացող քաղաքացիները մրցույթի վերաբերյալ հարցերի և լրացուցիչ տեղեկությունների համար կարող են դիմել Կադաստրի կոմիտեի անձնակազմի կառավարման վարչություն (հասցե՝ ք. Երևան, Արշակունյաց 7, հեռախոսահամար՝ 060-474147, էլեկտրոնային փոստի հասցե՝  hr@cadastre.am):

 Քաղաքացիները Թեստավորմանը պետք է ներկայանան անձնագրով և/կամ նույնականացման քարտով, կամ անձը հաստատող այլ փաստաթղթով (ՀՀ ոստիկանության կողմից ժամանակավորապես տրվող անձը (ինքնությունը) հաստատող փաստաթուղթ)` թեստավորման նախատեսված ժամից 10 րոպե շուտ:

Պաշտոնի անձնագիր