Ազգային Ժողով․ Թվային կադաստր
ԱԺ Տնտեսական հարցերի մշտական հանձնաժողովի հոկտեմբերի 15-ի նիստում կոմիտեի ղեկավար Սուրեն Թովմասյանը ներկայացրել է «Գույքի նկատմամբ իրավունքների պետական գրանցման մասին» օրենքում փոփոխությունները։
Կադաստրի կոմիտեում տեւական ժամանակ է իրականացվում են թվայնացման աշխատանքներ: Որոշակի գործիքակազմի ներդրմամբ հնարավորություն կստեղծվի, որ ինքնաշխատ էլեկտրոնային համակարգի միջոցով որոշ պայմանագրերի տեսակներ հնարավոր լինի ստորագրել և ներկայացնել իրավունքի պետական գրանցման:
Անշարժ գույք ունեցող յուրաքանչյուր քաղաքացի, մուտք գործելով էլեկտրոնային համակարգ եւ նույնականացվելով «Ես եմ»-ի միջոցով, կկարողանա մտնել իր անձնական գրասենյակ բաժինը:
Առաջարկվող կարգավորումները նախատեսվում է գործարկել մեկուկես տարի ժամկետով՝ նպատակ ունենալով մանրամասն թեստավորելու էլեկտրոնային համակարգերը:
Սուրեն Թովմասյանը պատասխանել է պատգամավորների հարցերին՝ անդրադառնալով նաև ինքնակամ շինությունների հաշվառմանը, անշարժ գույքի վաճառքի գործարքներին, վարձակալական նոր պայմանագրերի կնքմանը վերաբերող հարցերի:
Նախաձեռնությունն առաջին ընթերցմամբ քննարկվեց հանձնաժողովի նիստում եւ ստացավ դրական եզրակացություն:
Սուրեն Թովմասյանի զեկույցն ամբողջությամբ կարող եք դիտել հղումով․
